Tuis - Oos-kaap

OOS-KAAP- en KZN-SUID-STREEK

Welkom by Solidariteit Helpende Hand se Oos-Kaap en KZN-Suid-streek – waar hoop hande en voete kry. In 'n tyd van uitdagings en onsekerheid staan ons vas in die geloof dat elke mens 'n verskil kan maak. Ons strewe is om gemeenskappe deur middel van diensbaarheid, medemenslikheid en volhoubare ondersteuning te versterk. Hier bou ons nie net strukture nie – ons bou mense op.

Ons jaartema vir 2026 is Werksyn – 'n roepstem tot aksie om werkbare oplossings te skep vir verskeie tipes armoede en afhanklikheid. Hierdie jaar fokus ons op praktiese oplossings en die uitbreiding van ons vrywilligersnetwerk. Ons glo dat elke hand wat help, 'n lewe kan verander – en dat ware werksyn begin by mense wat omgee.

Sluit vandag aan by ons beweging van hoop! Word 'n netwerkvennoot wat impak maak, 'n vrywilliger wat 'n verskil maak, of 'n donateur wat dinge moontlik maak. Jou betrokkenheid is die brug tussen nood en 'n nuwe begin. Saam bou ons 'n toekoms waar elke mens weer kan sien – en glo – daar is werk, daar is hoop, daar is Helpende Hand.

Ons ondersteun:

62 leerlinge met koshuisgeld, busvervoer, terapie en skryfbehoeftes (Bemagtig 'n Kind-projek)
6 leerders in graad R en graad 1 met arbeidsterapie (Ons Plekke)
12 studente met altesaam R332 100 uit ons gemeenskapstudiefondse (die Helpende Hand Studietrust)
Verskeie kinders en ander behoeftiges met skooltasse, voeding, sanitêre ware en gebreide prosteses (Skooltassie-, Kosblikkie-, HelpJag-, HelpHetta-, en Breinaald-projek)

Maak 'n bydrae

Word 'n vrywilliger

Ontmoet ons personeel

Marlene Basson

Streeksorganiseerder
Oos-Kaap en KZN-Suid

[email protected]

083 501 3166

Adele Wright

Streek Administratiewe Beampte
Oos-Kaap en KZN-Suid

[email protected]

072 970 1112

Marthie Maritz

Maatskaplike Werker
KZN-Suid

[email protected]

072 377 4267

Liezl van Wyk

Maatskaplike Werker
Oos-Kaap

[email protected]

079 576 2718

Angelique Janse van Rensburg

Bestuurder: Ons Plek Suidkus

[email protected]

076 565 2976

Nuus vanuit ons streek

Bemagtig ’n Kind-stories

Lees meer...

Suidkus-busvervoer

Lees meer..

Ons bly aan die Suidkus van KwaZulu Natal. "Elke dag is 'n vakansiedag" klink na 'n bekende gesegde! Dit is egter baie ver van baie van ons kinders hier aan die Suidkus van Natal se realiteit.

Dis 'n pragtige landskap met dorpies so min of meer 40 km uit mekaar. Klein dorpies is verskeie gesinne se tuiste, omdat akkommodasie daar soms goedkoper is as in groot dorpe. In 'n omtrek van omtrent 140 km is daar egter net een Afrikaanse laer- en hoërskool. Dit is waar ouers verkies om hulle kinders in te skryf, omdat die onderrigmedium Afrikaans is, die onderrig van goeie gehalte is en omdat die skool 'n 'n kultuurtuiste bied in die diverse Natalse kultuuromgewing.

Om elke dag skool toe te gaan, is nie vir almal 'n gegewe nie. Dit is Marie se realiteit. Sy is 'n enkelmamma met drie pragtige kinders. Om alles te kroon, is die ouma wat die gesin se anker was, ook vanjaar oorlede.

Opgee is nie vir mamma Marie 'n opsie nie. Sy besef as die kinders nie elke dag in die skool is nie, verloor hulle baie werk, raak agter en kan nie na die volgende graad bevorder word nie. Daarom dra sy met graagte elke maand R50 tot busgeld by om seker te maak die drie kom by die skool. Dit is so lekker om elke kwartaal hul rapporte te ontvang waarop hulle so trots is. Hulle punte het met amper 25% gestyg.

Om hierdie mamma in 2026 met vervoer vir haar kinders by te staan, benodig die streek ongeveer R36 000. Dit is slegs vir een gesin en daar is baie gesinne in hierdie area wat in dieselfde bootjie is.

Help ons om nog meer kinders te ondersteun om hulle volle potensiaal te ontwikkel. So verbreek ons die armoedesiklus met opvoeding, opleiding, en ontwikkeling.